ESCORA volve en xuño de 2026 á Costa da Morte, celebrando a súa quinta edición. Un proxecto que achega a danza contemporánea e as artes vivas a contextos e comunidades diversas nos concellos de Corcubión, Malpica de Bergantiños, Mazaricos e Vimianzo. Unha programación pensada para a paisaxe, de carácter interxeneracional e composta por artistas e compañías galegas. Novidade: Por primeira vez incluimos un espectáculo de fóra das nosas lindes (Francia) cunha estrea en Galicia.

Aínda que o programa xa está en marcha, as datas abertas ao público son as seguintes:

Sábado 6 de xuño | Concello de Vimianzo
Domingo 7 de xuño | Concello de Corcubión
Sábado 13 de xuño | Concello de Malpica de Bergantiños
Domingo 14 de xuño | Concello de Mazaricos

Un proxecto da Deputación da Coruña en colaboración cos concellos participantes e a participación de asociacións da contorna.