ESCORA é un proxecto da Deputación da Coruña en colaboración con diversos concellos da Costa da Morte, que busca visilibizar o traballo artístico das compañías de danza galegas, con accións de proximidade que presentan unha oportunidade de achegar a danza a espazos pouco habituais para esta disciplina artística.

Nado en 2022, vén de celebrar a súa IV edición que se celebrou do 25 de maio ao 8 de xuño. Todo cun enfoque que baila entre mostras de espectáculos, residencias artísticas, mediación de públicos, procesos de creación colectiva, actividades medioambientais, conversas e moitas propostas a maiores.

ESCORA busca achegar a danza ás prazas, á rúa, á pedra, aos barrios, con vontade de presentar unha programación de proximidade e autóctona para públicos diversos.